தஞ்சாவூர், மே 25- தமிழ்நாட்டில் கோவை சூலூர், சென்னை தாம்பரம் ஆகிய இடங்களில் இந்திய விமானப்படை தளம் உள்ளது. தஞ்சையில் உள்ள விமானப்படை தளமும் முழுமையான படைதளமாக மாற்றப்பட்டு வருகிறது. இந்த விமானப்படை தளம் முதலாம் உலகப்போர் காலம் முதலே இருந்து வருகிறது. இந்த விமானப்படை தளத்தில் விமான ஓடுபாதை அமைக்கப்பட்டு முன்பு பயணிகள் விமானம் இயக்கப்பட்டு வந்தது. பின்பு விமானசேவை நிறுத்தப்பட்டது. கடந்த சில ஆண்டுகளாக தஞ்சை விமானப்படை தளத்தை மேம்படுத்தி நவீனமயமாக்கும் பணி நடைபெற்றன. விமான ஓடுபாதை விரிவாக்கம் செய்யப்பட்டன.

வாஷிங்டன், மே 25-  ஸ்மார்ட் போன்களில் பல்வேறு மென்பொருள்கள் பயன்படுத்தப்படுகிறது. இந்த வரிசையில் நோய்க்கிருமிகளை கண்டறியும் ஒரு புதிய மென் பொருள் கண்டுபிடிக்கப்பட்டுள்ளது. இதனை அமெரிக்காவின் இலினோய்ஸ் மாகாணத்தில் உள்ள இலினோய்ஸ் பல்கலைக்கழகத்தை சேர்ந்த ஆராய்ச்சியாளர்கள் கண்டுபிடித்துள்ளனர். இந்த மென்பொருள் ஸ்மார்ட் போனில் உள்ள கேமரா மற்றும் அதன் செயல்பாட்டுத் திறனை உயிர் உணரும் கருவியாக பயன்படுத்தி சுற்றுச்சூழலில் உள்ள நச்சுக்கள், பாக்டீரியா, வைரஸ் போன்றவற்றை கண்டறியும் திறன் கொண்டது. இந்த முறையின் மூலம் தற்காலிக கள மருத்துவமனைகளில் சோதனைகளையும், உணவுப் பொருட்களின் மாசுகளையும் மிகக் குறைந்த செலவில் உடனடியாக கண்டறியலாம் என்று ஆராய்ச்சிக் குழுவினர் தெரிவித்தனர். இதனைக்கொண்டு நிலத்தடி நீரில் உள்ள நோய்க்கிருமிகளைக் கூட கண்டறிய முடியும் என்று ஆராய்ச்சியாளர்கள் தெரிவித்துள்ளனர்.

சென்னை, மே. 25- மாவட்ட ஆசிரியர் கல்வி மற்றும் பயிற்சி நிறுவனங்கள், அரசு ஆசிரியர் பயிற்சி நிறுவனங்கள், உதவி பெறும் பயிற்சி நிறுவனங்கள், சுயநிதி ஆசிரியர் பயிற்சி நிறுவனங்களில் தொடக்க கல்வி பட்டய படிப்பில் சேருவதற்கு விண்ணப்பங்கள் 27-ந்தேதி முதல் வினியோகம் செய்யப்படுகின்றன. ஜூன் 16-ந்தேதி வரை விண்ணப்பங்கள் பெற்றுக் கொள்ளலாம். விண்ணப்ப கட்டணம் ரூ. 500. எஸ்.சி.

அகமதாபாத், மே 25- ஐ.பி.எல். சூதாட்டத்தில் ஈடுபட்ட ராஜஸ்தான் ராயல்ஸ் அணியின் 3 வீரர்கள் கைது செய்யப்பட்டதையடுத்து, நாடு முழுவதும் போலீசார் தீவிர சோதனை நடத்தி சூதாட்ட தரகர்களைக் கைது செய்து வருகின்றனர். அந்த வகையில், குஜராத் மாநிலத்தில் சூதாட்டத்தில் தொடர்புடைய முக்கிய புள்ளி கைது செய்யப்பட்டுள்ளார். ஐ.பி.

பாட்னா, மே 25- பீகார் மாநிலம் பங்கா மாவட்டத்தை சேர்ந்த 22 வயது பெண் கடந்த ஞாயிற்றுக்கிழமை 3 பேர் கொண்ட கும்பலால் கொடூரமான முறையில் கற்பழிக்கப்பட்டார். அவருடன் சென்ற நண்பரையும் அந்த கும்பல் அடித்து உதைத்து படுகாயப்படுத்தியது. இது தொடர்பாக போலீசில் புகார் அளிக்கப்பட்டுள்ளது. போலீசார் விசாரணை நடத்தி வருகின்றனர். இந்நிலையில், அந்த பெண்ணை அவரது நண்பர் நேற்று திருமணம் செய்து கொண்டார். இருதரப்பு உறவினர் மற்றும் போலீசாரின் வாழ்த்துகளோடு உள்ளூர் கோயிலில் இந்த திருமணம் நடைபெற்றது. பொறியியல் கல்லூரி மாணவனான மணமகன் கூறுகையில், சில நாட்களுக்கு முன்னர் அந்த பெண் கற்பழிக்கப்பட்ட காட்சியை என் கண்களால் நான் பார்த்தேன்.

இம்பால், மே 25- மணிப்பூர் மாநிலத்தைப் பிரிக்க வேண்டும் என்று குகி தேசிய முன்னணி உள்ளிட்ட பல போராளி இயக்கங்கள் போராடி வருகின்றன. தற்போது அந்த இயக்கங்களுக்கு எதிரான நடவடிக்கைகளை மத்திய அரசு தற்காலிகமாக நிறுத்தி, அவர்களுடன் பேச்சுவார்த்தை நடத்தி வருகிறது. இதற்காக நியமிக்கப்பட்ட சிறப்பு முகாம்களில் தீவிரவாத இயக்க தலைவர்கள் தங்கியிருக்கின்றனர். அவர்கள் தங்கள் ஆயுதங்களை முகாமில் ஒப்படைப்பதுடன், மக்களை மிரட்டி பணம் பறிப்பதையும் நிறுத்த வேண்டும் என்று அரசு அறிவுறுத்தி வருகிறது. இந்த நிலையில், அமைதி பேச்சுவார்த்தைக்காக, சேனாபதி மாவட்டத்தில் அமைக்கப்பட்டுள்ள முகாமில் தங்கியிருந்த குகி தேசிய முன்னணி தலைவர் சீகோபாவ் கிப்கன் மர்ம நபர்களால் சுட்டுக் கொல்லப்பட்டுள்ளார். அந்த முகாமின் கமாண்டராகவும் அவர் செயல்பட்டு வந்தார். நேற்று முன்தினம் இரவு, கிப்கன் தனது இரண்டு பாதுகாவலர்களுடன் முகாமிற்கு திரும்பியபோது, துப்பாக்கி சூடு நடந்தது.

கிருஷ்ணகிரி, மே. 25- தர்மபுரி மற்றும் கிருஷ்ணகிரி ஆகிய மாவட்டங்கள் வறட்சிக்கு இலக்காகும் பகுதிகள் ஆகும். இந்த இரு மாவட்டங்களிலும் உள்ள நிலத்தடி நீரை குடிக்க பயன்படுத்த முடியாது என்றாலும் வேறு வழியின்றி மக்கள் பயன் படுத்தி வருகிறார்கள். இந்த நிலத்தடி நீரில் புளோரைடு உப்பின் அளவு 1.5 மில்லி கிராம் முதல் 12.4 மில்லி கிராம் வரை உள்ளது. இது வரையறுக்கப்பட்ட அளவை விட அதிகமாகும்.

சேலம், மே 25- பொதுமக்களின் நீண்ட நாள் கனவு திட்டமான சேலம்-கரூர் ரெயில் பாதையில் இன்று முதல் பயணிகள் ரெயில் சேவை தொடங்கியது. இதையடுத்து வழிநெடுக உற்சாக வரவேற்பு கொடுக்கப்பட்டது. சேலம்-கரூர் இடையே அகல ரெயில்பாதை அமைக்க வேண்டும் என்று பல்வேறு தரப்பினர் பல ஆண்டுகளாக கோரிக்கை விடுத்து வந்தனர். இதையடுத்து இந்த திட்டம் செயல்படுத்தப்பட்டு இருக்கிறது. 85 கிலோ மீட்டர் தொலைவு உள்ள இந்த பாதையில் சிறியது, பெரியதுமாக 90 மேம்பாலங்கள், மற்றும் மல்லூர், ராசிபுரம், புதுச்சத்திரம், களங்காணி, நாமக்கல், லத்துவாடி, மோகனூர், வாங்கல் ஆகிய நிலையங்களில் ரெயில்வே நிலையமும் அமைக்கப்பட்டு இருக்கிறது. கடந்த 15 ஆண்டுகளாக நடந்து வந்த இந்த பணி ரூ.800 கோடி செலவில் செய்து முடிக்கப்பட்டு இருக்கிறது.

காரைக்கால்,மே.25- கடந்த மாதம் காரைக்காலிலிருந்து மீன்பிடிக்கச் சென்ற காரைக்கால் மீனவர்கள் 26 பேர்களை இலங்கை கடற்படையினர் கைது செய்து இலங்கை சிறையில் அடைத்தனர். 45 நாள் சிறை வாசத்திற்கு பிறகு அவர்கள் அனைவரும் நேற்று காலை ஊர் திரும்பினார்கள். விடுதலையாகி வந்த மீனவர்கள் கூறியதாவது:- நாங்கள் கடந்த மாதம் 4-ந் தேதி அதிகாலை காரைக்கால் மீன்பிடி துறைமுகத்திலிருந்து மீன் பிடிக்கச் சென்றோம். நாங்கள் கோடியக்கரை அருகே இந்திய கடல் பகுதிக்குள் மீன்பிடித்துக் கொண்டிருந்தபோது அங்கு வந்த இலங்கை கடற்படையினர், நாங்கள் இலங்கை கடற்பகுதிக்குள் வந்து மீன்பிடிப்பதாகக் கூறி எங்களை கைது செய்தனர். பின்னர் சுமார் 9 நாட்டிக்கல் மைல் தொலைவில் இலங்கைக்கு கொண்டு சென்று சிறையில் அடைத்தனர். 10 நாட்களுக்கு ஒருமுறை கோர்ட்டில் ஆஜர்படுத்துவதற்காக சிறையிலிருந்து எங்களை கோர்ட்டுக்கு அழைத்துச் சென்றார்கள்.

மதுராந்தகம், மே. 25- கள்ளக்குறிச்சியில் இருந்து சென்னைக்கு நேற்று இரவு அரசு பஸ் வந்தது. கண்டக்டராக கள்ளக்குறிச்சியை சேர்ந்த ஞானவேல் (வயது 45). இருந்தார். டிரைவர் சரவணன் ஓட்டி சென்றார். 30-க்கும் மேற்பட்டோர் பயணம் செய்தனர். இன்று அதிகாலை 5 மணி அளவில் அச்சரப்பாக்கம் மேம்பாலம் அருகே வந்த போது முன்னால் திருவண்ணாமலையில் இருந்து சென்னை நோக்கி சென்ற மற்றொரு அரசு பஸ்சை டிரைவர் முந்திச் செல்ல முயன்றார்.